یئکاناتا بیر باخیش

مژده اولام ایستکلی سی ایتنه

چشمه اولام سوسوز یئرده بیتنه

چیراق اولام ائشیق سالام وطنه

بیر اود اولام جهالتی یاندیرام

قانمایانی دوشوندوره م قاندیرام

یول هانسی دی ارکان نه دی آندیرام

  اوندا شیرین اولاربو حیات منه  

فرهاد کیمی چاپام اوجا داغلاری

باهار اولام گوللن دیره م باغلاری

بیرلشدیره م قارالاری آغلاری

     اوندا شیرین اولاربو حیات منه

آچار اولام قیفیل لانمیش دیللره

مرهم اولام قابار چالان اللره

جانلا باشلا قوللوق ائده م ائللره

اوندا شیرین اولاربو حیات منه

یولداش اولام آرزوسونا چاتانا

اؤلوم اولام اؤز یوردونو آتانا

زندان اولام دوست آراسی قاتانا

اوندا شیرین اولاربو حیات منه

قوناق گئده م اوزاق ائله اوبایا

ائللر منی برکده بوشدا سینایا

یاخشی اولسام پیس ده اولسام تانییا