دورد یئنی نشر اولان کیتاب کی رضا همراز جنابلارینین سایتیندا معرفی اولونوب
- خوشبخت لیک له سون گونلرده آذربایجان فولکولورونا و شعر و ادبیاتینا عاید بیر نئچه کیتابین نشرینه شاهید اولموشام . بو کیتابلاری نئچه سطیرده بئله تانیدا بیلرم .
- 1-یئکانات سوز اینجی لری : بو کیتابی توپلایان یئکاناتلی میر بهرام رستمی ( خانلار ) اولموشدور . 144 صحیفه لیک بو کیتاب داها دوغروسو یئکانات محالی نین « تذکره الشعرا » سی دیر . همین تذکره ده بوگونکو و کئچمیش لرده منطقه ده یاشایان شاعیرلرین یاشایش لاری ایله شعرلری نئچه صحیفه ده ذکر اولونموشدور . یئکانات سوز اینجی لری کیتابین اورمونون شن آی نشری اوتن ایلین سونلاریندا نشر ائده بیلمیشدیر . سایین توپلایانا بو گوردویو ایشینه گوره ال- قولونوز آغری ماسین دئییریک .
- 2-سوسقون دیلیم ، آغلار اوره ییم : بو کیتابدا یئکاناتلی میر صادق اوغوزی نین بیر سیرا شعرلری دیر کی خانلار تخلص لو میر بهرام رستمی نین زحمت لری ایله تبریزین نباتی نشری سیرالاریندا 64 صحیفه ده نشر اولونموشدور . توپلایانین اظهارینا گوره شاعیرین یازیب – اوخوما ساوادی اولمادیغینا گوره یاخشی طبعی اولموشدور . البته بیزیم ادبیاتیمیزدا بئلنچی آداملارین ایزی اوتن زامانلاردا دا گورونموشدور کی اونلاردان تبریزلی میر عبدالحسین خازن خیابانی و حدّاد تخلص ائدن علی اکبر پاکزاد- ی گوسترمک اولار . شاعیر میر صادق اوغوزی یه اولو تانری دان رحمت و توپلایانا جان ساغلاملیغی آرزی لاریرام .
- 3-اردبیل فولکلور اورنکلری : انقلاب عرفه سینده توپلانیلان بیر دفتر دیر کی اردبیلده بیر نئچه نفرین همتی ایله توپلانیب ، بوگون نشر امکانی تاپمیشدیر .118 صحیفه لیک همین کیتابی رحیمه ذاکر حمیدی ، مهناز مولازاده ، نسرین ارشادیان ، شهناز برادران ، ژیلا غیاثی مقدم توپلاییب ، کاظم عباسی نین اون سوزو و بیر سیرا ایضاحلاری ایله اورمونون آینا نشری سیراسیندا ، هابئله « آذربایجان ائل بیلیمی سیرا کیتابلاریندان اوچونجو اثر » کیمی همین آیدا نشر اولونموشدور . ائل بیلیمینده چالیشانلارا ایله محترم توپلایانلارا بو خیر ایشده ، ال قولونوز آغریماسین دئیه ، داها آرتیق نائلیت لر دیله ییرک .
- 4-قاراداغ ماحال لاری :آدین چگدییمیز کیتابی انور چنگیز اوغلو توپلامیش و همین توپلانتی نی ، رحمتلی حسن بامشاد ایله احد فرهمندی چاپ ایچون حاضیرلامیش ، ائل بیلیمی سیرا کیتابلارینین دوردونجوسو اولاراق سون هفته لرده 254 صحیفه ده اورمونون آینا نشری سیرا سیندا چاپ اولونموشدور . همین کیتابدا اوزومدیل ، اهر ، کلیبر ، هوراند ، بدوستان و ... ماحاللاری نین بیر سیرا فولکولورلاری ایله تاریخی موضوع لاری توپلانمیشدیر . کیتابدان بللی اولور کی یازار اوزو تاریخه ده ماراقلی اولوب ، گاهدان تاریخی حکایه لره ده یئر وئرمیشدیر. بو کیتابین چاپیندا چالیشانلارا ال قولونوز آغری ماسین دئیه قاراداغ بولگه سینین قیغیلجیم ادبیات چی لاری ایله فولکولورچولارینا همین کیتابی گوزدن کئچیرمه لرین نیسگیل ائدیریک .
- منبع:http://www.rezahamraz.com/fa/index.php?option=com_content&task=view&id=1509&Itemid=62
-
دورد یئنی نشر اولان کیتاب 
نوشته شده توسط م - ترابی 28 خرداد 1394 ساعت 09:26
+ نوشته شده در دوشنبه هشتم تیر ۱۳۹۴ ساعت 18:28 توسط میر بهرام رستمی
|
نام:میربهرام (خانلار)