"قووورمالیق"


قدیم زامان یکاناتدا بلکه ده آیری یئرلرده پاییزفصلینده هامی ائولرده قیشدا یئمکلرینه تدارک گویردیلر.بو تدارک لرده ن بیری قووورمالیق ایدی.هرکس اوزو بیریا ایکی  اویه ج (ائرکک داوار)بئجه یردی وپاییزدا اونی کسیب و اتتینی دوغرویاردیلار و بیر بویوک قازاندا قووویاردیلار.سونرا اونی خوملارا یا بویوک کوپه لره توکردیلر.بو اویه جین قوروغونو و جان یاغینی اریدیب و خوملاردا اولان قوورولموش اتلرین اوستونه توکردیلرو بو یاغ دوناندان سورا اتلرین اوستون اورتردی و اتلری سالم ساخلاردی.بو خوملاری بیر سرین یئره قویاردیلاروقیشدا لازم اولان قدر اتلرده ن چاخاردیب وقووورما شورباسی پیشییه دیلر.البته قووورمالیق ائتمک اوتوز قیرخ ایل بوندان قاباغین ایشلریندندی وایندی ده یکان کهریزده بعضی  ائولرده قووورمانین لذتینه گوره قووورمالیق ائدللر.دئمک اولار هئچ پیشمیشین بوجور لذتی اولماز.بو قووورمانین سویونا کی بوز باش دییه للر چوخ دادلی و لذتی اولار و دئمک اولار دونیانین ان دادلی خؤره ک لرینین بیری اولا بیلر.