نئچه بایاتی کی ماهنی لاردا اوخونار(2):
آلما آتدیم نارگلدی
کتان کؤینک دار گلدی
قاپییا کؤلکه دوشدو
ائله بیلدیم یار گلدی
آپار منی بنده وور
زولفوندن کمنده وور
دونیا گؤزله دؤنسه
منیم گؤزوم سنده دور
آراز اوسته بوز اوسته
کباب یانار کؤزاوسته
قوی منی اؤلدورسونلر
بیرآلا گؤز قیز اوسته
نئچه بایاتی کی ماهنی لاردا اوخونار:
بوقالا داشلی قالا
یوللاری داشلی قالا
قورخورام دوشم اؤلم
یارگؤزو یاشلی قالا
سوگله ر آخار گئده ر
یار گله ر باخار گئده ر
دونیا بیر پنجره دی
هر گله ن باخار گئده ر
عزیزینم بیرده من
دولدور ایچیم بیرده من
عؤمر آزالدی گون گئچدی
جاوان اولمام بیرده من
من اؤلدوم آغلاماقدان
باغا سو باغلاماقدان
باغدا یارپاق قالمادی
یاراما باغلاماقدان
عزیزیم مرنده گه(ل)
گوللرین ده رنده گه
بیرگلدین خسته گؤردون
بیرده جان وئرنده گه
داغلار داغیمدی منیم
غم اویناغیم دی منیم
دیندیرمه قان آغلارام
یامان چاغیمدی منیم
عزیزیم یارا باغلار
بایقولار یارا باغلار
یارامی یار باغلاسین
او یاخشی یارا باغلار
من عاشیق یارا سیزلار
قان آخار یارا سیزلار
یارالینین دردینی
نه بیلسین یارا سیزلار
یوخ عزیزیم یا نصیب
بولبول اوخور یا نصیب
بیر گؤردوم یارین اوزون
بیرده گؤره م یا نصیب
من عاشیق او گونئیلر
او گونلر او گونئیلر
یار یارا قوووشاندا
بایرامین او گون ائیلر
عزیزیم ائله باغلا
اومیدین ائله باغلا
ائل گولسه ،سنده سئوین
آغلاسا،سنده آغلا
تبریز اوستو مراغا
زولفون گلمیر داراغا
نیه من نن کوسموسن
جانیم سنه صداغا
آغ آلما قیزیل آلما
نیمچه یه دوزول آلما
چیرکین آل اصیل اولسون
بداصیل گؤزل آلما
من عاشیق قیزیل قالا
بوشقابا قیزیل قالا
نامرد گلیب مرد اولماز
بویوجاقیزیل قالا
داغلار مارالا قالدی،
اوتو سارالا قالدی
سرین چشمه، گؤی یایلاق
یئنه مارالا قالدی
******
نام:میربهرام (خانلار)