اینان اولماز بو گؤزل لرده گؤزه ن تای مارالیم

کاش وئره یدین  باخیشیندان منه بیر پای مارالیم

او زاماندان کی کؤچوب ترک ائله دین فرهادیوی

ایکی گؤز بیرده کؤنول آغلیری های های مارالیم

گونوزوم گونده یادیلان گئچیدیر گون لرینی

گئجه لر من چالیرام یادیوه لای لای مارالیم

گون اگر باتسا دا اصلا غمیم اولماز نییه کی

عالم عشقیده باتماز گئجه لر آی مارالیم

باخیرام صبحه کیمی آیدا جمالین گؤروره م

ینه سؤنمز الوووم سیزلاییرام وای مارالیم