سیگــار
چوخ عجیب گولمه لی سیگار چکیسن
ایتیل اؤل اؤلــمه لی سیگار چکسین
وئـرمیسن پـول لارینی مـــال بوغانا
لعنــت اولــسون سنه سیگار ساتانا
پـوفـلویورســن بـو یـانـا هـم اویانا
پول قــوتولوب بسته اولــموش دانا
چوخ عجیب گولمه لی سیگار چکیسن
ایتیـل اؤل اؤلـمه لی سیگار چکیسن
یازیرام من حقیقتدن
گؤزوم گؤرموش مصیبتدن
آمان سیز درد و محنتدن
"یئتیش ایمداده یا مولا"
اولوب دوز سؤزلر افسانه
دوشوب قیزلار خیابانه
من اولوم بیله دی یا نه؟
"یئتیش ایمداده یا مولا"
نئجه من اولمویوم نالان
اوزالدیب باشینی اوغلان
آدین کامبیز ائدیب قوربان
"یئتیش ایمداده یا مولا"
جاوانلار بیلمه ییر حؤرمت
آتا سؤزده ائدیر صؤحبت
وئییر گؤز قاشینا زینت
"یئتیش ایمداده یا مولا"
ائوینده یوخدو بیر قالی
ووروب باشماقینا نالی
مُدی عالی جیبی خالی
"یئتیش ایمداده یا مولا"
قالیب ایش یوخدو آواره
تاپانمیر دردینه چاره
قوشوبدور ائوده ماهواره
"یئتیش ایمداده یا مولا"
آتا ائوده مریض احوال
اوغول اوندان سوروشمور حال
اؤلور سونرا قویور ساققال
"یئتیش ایمداده یا مولا"
اولوبدور قلبیلر داشدان
دونوب قارداش قارداشدان
اونو آرواد چکیب باشدان
"یئتیش ایمداده یا مولا"
وفا اومما جماعتدن
خبر یوخدو صداقتدن
نه عصمتدن نه غیرتدن
"یئتیش ایمداده یا مولا"
نیه یوخ تانریدان قورخان
گناه ائتمک اولوب آسان
اولوب دونیا منه زندان
"یئتیش ایمداده یا مولا"
من اولدوم دونیادان خسته
اولوب قیرخ مین تومن پوسته
گئدیر گوندن گونه اوسته
اخا ایمداده گل اولدوم
من اولدوم دونیادان خسته
اولوب قیرخ مین تومن پوسته
گئدیر گوندن گونه اوسته
اخا ایمداده گل اولدوم
اولوب اوچ مین تومن آلما
اوشاق سویلور منه دولما
دوشاب ایستیر چالاق حالوا
اخا ایمداده گل اولدوم
ات ائتدی دیده می گیریان
اولوبدی جیب لریم عوریان
گئدیب قارنیم دوشور توممان
اخا ایمداده گل اولدوم
تویوخ اندامیوه قوربان
سن ائتدین باغریمی آلقان
یئییر وارلی ائدیر طوفان
اخا ایمداده گل اولدوم
دویو یاغیله بادیمجان
یازیخ جانیم سیزه قوربان
هارا سیز گئتمیسیز مهمان
اخا ایمداده گل اولدوم
صفه دوردوم چوره ک آلدیم
پولوم قورتولدی مات قالدیم
ایکی اللی دیزلره چالدیم
اخا ایمداده گل اولدوم
نه جور سویله قالیم زنده
پولوم یوخدور وئره م قنده
باهالیق ائتدی شرمنده
اخا ایمداده گل اولدوم
اگر خوش ایله سم صحبت
قیزیلدان سوز آچار عورت
آلار اندامیمی وحشت
اخا ایمداده گل اولدوم
خوشوم گلمز دییه م بهتان
ائدیبدور جنس لر طغیان
نه ائتسین بو یازیق انسان
اخا ایمداده گل اولدوم
بیری آجدی بیری توخدی
مروتدن خبر یوخدی
اگر من سوز یازام چوخدی
اخا ایمداده گل اولدوم
نام:میربهرام (خانلار)