قاراباغ شكسته سي(يازاني:كهريزيئكنلي رضااورمان)
عاشيق ايسه سازي الينه آلير قيريلان سيم لرين يئرينه جيبين دن تزه سيم لـر چيخارديب سالير و سازي
كؤكله ييب اوغلانا وئرير .
سونرا آياغا دوروب سازيني ديللن ديره رك توي صاحيبي طرفين دن گلن قوناقلارا خوش گلدين دئيير،
بير نئچه كلمه اوخوياندان سونرا تقاضالار باشلانير ، كيميسي آذربايجان ماهني سي ، كيميسي قاچاق نبي
كيميسي مختليف هاوالاري ايسته ييرلر،آنجاق هاميسين دان چوخ كوراوغلو هاوالاري خصوصاً ،كور اوغلو
جنگي سي دير كي ايسته ني لير .
معاصر عاشيق لاريميزين ايچين ده كوراوغلو هاوالاريني ايفا ائتمك ده عاشيق عبدالعلي نين اؤزونه
مخصوص اوستاليغي بو هاوالارا باشقا بير جان باغيشلايير ، اورادا كي كوراوغلو تك نعره چكيب :
« هاني منيم قوچ كوراوغلوم » دئيه ن ده مجلسين خصوصاً جاوانلارين آلقيش سس لـري اونون سسينه
قاريشيب دام- دووار لرزه يه گلير ، من ده بيرطرف ده اوتوروب ائليمين شادليغيني و سازا – سؤزه اولان
حؤرمتيني گؤروب اوره كدن سئوينيره م ،آنجاق جوربه جور هاوالاري ايسته ين سس لرين ايچينده بيرسس
مني اؤزومه گتيرير ، بيرنفرالين ده كي انعامي عاشيغا طرف اوزاديب دئيير :
عاشيق بير قاراباغ شكسته سي
عاشيق نه دنسه يانين داكي قاوال چالان و بالابانچي يولداشلارينا اوزتوتوب دئيير: سيزمجليسين اوباشين دا
من ايسه بو باش دا ، چاليريق «قاراباغ شكسته سي» بير آن دا قيزيل تئل لردن قالخان حزين سس مجلس ده كي سس لري سوسدوروب و يانيقلي قارا باغ شكسته سي دير كي اينسانين بوتون وجودونا تاثيرقويور و
عاشيق بير ملاحتلي سسله بئله ديله گلير :
من عاشيغام قارا باغ شكي شيروان قاراباغ
عالم جنّته دؤنسه ياددان چيخماز قارا باغ
مجلس ده كي لرين آلقيش سسلري گؤيه اوجاليرهامي عاشيغا ال چاليب آلقيشلاييرلار ،آنجاق اومجلس ده
منيم ده اوزومو ايسينديره ن گؤز ياشيم دير كي بو هاواني استقبال ائدير .
گونش ايلي 1367قيش فصلي
رضا حصاري «اورمان»
نام:میربهرام (خانلار)