یکان کهریزین سوادسیز شاعری رحمتلیک سیفعلی صفری دن ایکی نمونه شعر
اصکدده ن(اصل کند)گلردی حاجی میزره خان
آچاردی سفره نی تؤکردی او نان
قوزو قیرخیمیندا او وئرردی سان
ییلاق سنه باخان گؤزلر نئجه اولدو؟
حاج محمد،کلبه حیدر،یئکه ن ائلیندن
عزیز دوستلای نین دوشمز دیلیندن
فلک ده آییردی بیر بیرلریندن
ییلاق سنه باخان گؤزلر نئجه اولدو؟
"سعدی"دن گلردی او"یاوراوغلو"
آدی "حاج علی"دی مثل کوراوغلو
سعدی نین کندیندن ایمانی دوغرو
ییلاق سنه باخان گؤزلر نئجه اولدو؟
دوراندا باخاردیق او"ساری داشا"
"قیلینجین"داغی ایله دوشوبدور قوشا
قیزیل یای ،قصبه او باش بو باشا
ییلاق سنه باخان گؤزلر نئجه اولدو؟
قوزولار مله شیر چوخ سس ائیلییر
عشایرده باخیر هوس ائیلییر
ائل لر بیر بیری له گوروش ائیلییر
هر طرفده دوشوب ائللرین سنین
قره چی ییلاقی قویوب لار آدین
ایلی ایلدن آرتسین سنین بساطین
دؤیوشور قوچ لارین کیشنه ییر آتین
هر طرفدن گلیر قوناقین سنین
ییلاق بیزه بابالاردان قالیبدی
بولبول گول اوستونه کؤلکه سالیبدی
ائللر گئنه دؤرت دؤوره نی آلیبدی
هر طرفده دوشوب ائللرین سنین
قیزیل گدیک قره چی نین باخاری
عجب خوش گلیبدی بو ایل باهاری
بو شعرلری دئییر شاعر صفری
همیشه شاد اولسون ائللرین سنین
سرین چشمه سی دی،خلفه بولاغی
باشی نین اوستودو"زئیدر"ین داغی
قاباغی"یاسلان"دی ائللر اویلاغی
هر طرفده آچیب گوللرین سنین
اولا بیر باسواد شعریمی یازا
داغین وسطینده دوشوبدی گؤزه
قویونلار دؤشلردن گلنده دوزه
افتخار ائیله ییر ائللرین سنین
"اویندیل"دنگ لر سرین یئللری
"هرزاناتا"آخار قارین سئللری
هر طرفده دوشر "یئکه ن"ائللری
همیشه وار اولسون ائللرین سنین
آتانین یوردوسان گلریک سنه
آنانین سودوندن شیرین سن منه
آت لارین باغلانار بؤیوک چمنه
همیشه شاد اولسون ائللرین سنین
بو اوچ آیی سنه قوناق گلمیشم
دوستلارایلن شاد اولموشام گولموشم
"سیفعلی "یم بو شعرلری دئمیشم
همیشه وار اولسون دیللرین سنین
نام:میربهرام (خانلار)