شعر(من سنه بئل باغلامیشام نیلیییم)
واردی ازلدن سنه والله گوزوم
مین کره قوربان سنه هر گون اوزوم
گئتدی توانیم آزالیبدور دوزوم
من سنه بئل باغلامیشام نیلیییم
ایله نظر کی اریییبدوربدن
حالیمه آغلیر گوزل اهل وطن
قویما دوشم محنت ایامه من
من سنه بئل باغلامیشام نیلیییم
دردوغمین قویمادی راحت یاتام
اولماز عزیزیم سنی گوزدن آتام
قورخورام اولدوز کیمی آخیر باتام
من سنه بئل باغلامیشام نیلیییم
جان نه دی قورباندی سنه هرنه وار
قویما منی اولدوره بو اینتظار
گل کی کونول مولکی اولوب تارومار
من سنه بئل باغلامیشام نیلیییم
ایله دین ایمانیمی زیرو زبر
حوری سایاقسان دئمک اولماز بشر
لطف ائله گل سن منه اول تاج سر
من سنه بئل باغلامیشام نیلیییم
فکر ائدیره م وصلینه شام و سحر
سندن عزیزیم نییه یوخدور خبر؟
درد فراقیندا اولوب دیده تر
من سنه بئل باغلامیشام نیلیییم
نام:میربهرام (خانلار)