چنگیزآقایی "دن بیر شعر
تا گون او گون اولدی کی گوزوم بیر گوله دوشدی
بیلمم نیه من بیر باخیشا کونلومی وئردیم
گوردوم اونی مندن منه چوخ فاصله دوشدی
عشق آتشینی سینه ده احساس ائله دیم من
اوندان سورا هر لحظه ایشیم موشکوله دوشدی
اولدوم دلی ، دیوانه لر ایچره آدیم اودی
رسوالیغیمین دستانی دیلدن دیله دوشدی
عشق آتشی یاندیردی منی باشدا آغاردی
قاندیم او زامان عشقی کی دن سونبوله دوشدی
درک ایله مین عشقی اونا معناسی اولماز
بیلمز نیه عالمده بو ایشلر بئله دوشدی
توپراقه اگر دوشسه بالیق دریانی آنلار
او درک ائله یر دریانی چون ساحله دوشدی
بو عشقدی چنگیز کی داغی داشی یاریبدی
عشقین هوسیندن دی کی مجنون چوله دوشدی
نام:میربهرام (خانلار)