داغلارین باشینی آلیبدور دومان

قرآن کلمه سینه مسلمان اینان

قرآن کیتابیندا هئچ اولماز یالان

قیامتده داده یئتن علی دور

 

گؤیدن نازیل اولدی اوتوز جزء قرآن

ذوالفقار گؤتوروب کافیر لر قئران

گنه کارم چاغیریرام الامان

قیامتده داده یئتن علی دور

 

پیری دئییب بو سؤوزلری بیلگینن

نمازیوی هر وقتینده قیلگینن

اِله دانیش آخیریندا گول گونن

قیامتده داده یئتن علی دور

 

کعبه نی یاسادی خلیل پیمبر

ووردی اطرافینا مشکیلن عنبر

بهشتین آغاسی ساقی یه کوثر

قیامتده داده یئتن علی دور