وصیت ائدیپ دیر اوز آتام منه

دئییب دیر باج وئرمه یاغی دشمنه

هر کیمسه کج باخا بیزیم وطنه

ایلان تک باشینی ازمه سم اولماز

---------------------------

گوزلدی یوردومون باهاری یازی

سولاردا چیرپینان اوردگی قازی

کوکلویوب چالاندا صدفلی سازی

خیال دنیزینده اوزمه سم اولماز

--------------------------

حسرتین چکدیگیم اوجا داغلارین

هر زمان سئومیشم بورانین قارین

ائلیمه کج باخان ،خیانت کارین

قبرینی الیم له قازماسام اولماز

-----------------------------

خالیق بیزه وئرمیش بو وار دولتی

اوره کده سئوگینی، صاف محبتی

من ده، قلمیم له ،بو شان شهرتی

یازیب مصراعلارا دوزمه سم اولماز

-----------------------------

(ائلدارام) اوره کدن گلدیم فریادا

قالمییب دیر داها ، سالانیم یادا

آتاسیز، آناسیز، بو دار دنیادا

نیسگیللی دولانیب گزمه سم اولماز

http://eldarmaku.blogfa.com/cat-4.aspx