حسینه یئرلر آغلار گؤیلر آغلار(استادشهریار)
حسـینه یئرلر آغلار گویلر آغلار
بتول و مرتـضی پیغمـبر آغـلار
حسینین نوحه سین (دلریش) یازاندا
مسلمان سهل دیر که کافر آغلار
کور اولمیش گوزلرین قان دوتدی شمرین
که گؤرسین اؤز الینده خنجرآغلار
حسینون کوینگی زهرا الینده
چکر قیحا قیامت. محشر آغلار
آتاندا حرمله اوخ کربلاده
گوریدون دشمن آغلار لشگر آغلار
قوجاغین دا گوریدون ام لیلا
آلیب نعش علی اکبر آغلار
رباب نیسگل دوشونده سود گورنده
علی اصغری یاد ایلر آغلار
باشین دا کاکل اکبر هواسی
یل آغلار سنبل آغلار عنبرآغلار
یازاندا ال طه نوحه سین من
قلم گوردوم سیزیلدار دفتر آغلار
علی شقق القمر محراب تیلیت قان
قولاق ویر مسجد اوخشار منبر آغلار
علیدن " شهریار " سن بیر اشاره
قوجاقلار قبری مالک اشتر آغلار
نوشته شده در ششم محرم 1435هجری قمری
نام:میربهرام (خانلار)