شفای وصل قدرین ، هجردن بیمار اولاندان سور

زلال ذوق شوقون ، تشنه دیدار اولاندان سور

لبین سرین گلیب گفتاره ، من دن اؤزگه دن سورما

بو پنهان نکته نی بیر واقف اسرار اولاندان سور

گؤزو یاشلی لارین حالین ، نه بیلسین مردم غافل ؟

کواکب سرینی ، شب تا سحر بیدار اولاندان سور

خبرسیز اولما فتّان گؤزلرین قیدین چکن لردن

خبرسیز مست لر بیدادینی ، هشیار اولاندان سور

غمین دن شمع تک یاندیم ، صبادان سورما احوالیم

بو احوالی شب هجران ، منیم له یار اولاندان سور

خراب جام عشقم ، نرگس مستین بیلیر حالیم

خرابات اهلینین احوالینی ، خمّار اولاندان سور

محبت  لذتین دن  بی خبر دیر زاهد  غافل

فضولی، عشق ذوقون، ذوق عشقی وار اولاندان سور