قامتی رعنایه دئنن
من اؤلوم دردیمی سن گوزلری شهلایه دئنن
نه دئدیم قهرائله دین صورتی زیبایه دئنن
ایسته سه جانیمی قوربان ائده رم شبهه سی یوخ
منی قیس ائیله میسن نایب لیلایه دئنن
ایستیرم شانه وورام زلف پریشانینه من
نه اولار قلبینی سیندیرما پریسایه دئنن
آز قالیب سیل غمیله بوغولام دوردو نفس
کسیلیب چاره یولو گئتدی مداوایه دئنن
رحم قیلسین منِ بد بخته جفا ائیله مسین
من سنه نئیله میشم قامتی رعنایه دئنن
یئریشین شوخ باخیشین عقلیمی باشدان آپاریب
نازین آز ائیله گوزل نازلی نازیلایه دئنن
نه اولار نازیله قویسام باشیمی دیزلرینه
تا گئدم صبحه قدر عالم معنایه دئنن
هر گئجه صبح آچیلینجا غمی مهمانیم اولوب
گئجه گوندوز منه بیردورشب یلدایه دئنن
قطره قطره اریدیم شمع کیمی عشقینده
مرحمت ایله بو شوم قیصه نی دونیایه دئنن
دا دیینمیر سسنه شعر دیلی بنده دوشوب
یایازیخ لالالالال اولدو او مهسایه دئنن
"خانلارام"وار یوخوم عالمده قورو جاندی منیم
وار امیدیم گله سن بئیله تقاضایه دئنن
نام:میربهرام (خانلار)