عزیز دوستوم نعمت اله جعفری دن بیر گؤزل شعر
قارا باغدی منیم آنا وطنیم
دوغرانسادا تیکه تیکه بدنیم
قارا باغدا بیچیله جک کفنیم
یئنــی دن آلاجــام قـــارابــاغیمـــی
ارمنی سن قولاغین آچ قانگینان
بابکین غیرتین یادا سالگینان
پشیمه چیخساندا میلیون تانکینان
یئنــی دن آلاجــام قـــارابــاغیمـــی
سانما قارا باغی مندن آلمیسان
بیرنئچه ایل توپراغیمدا قالمیسان
اؤز الینله اؤزون گورا سالمیسان
یئنــی دن آلاجــام قـــارابــاغیمـــی
اوزگه توپراقیندان وطن قاییلماز
قاییلسادا آنا وطن ساییلماز
آتا سوزی " ات دیر ناخدان آیریلماز "
یئنــی دن آلاجــام قـــارابــاغیمـــی
بیرلیک قورولاجاق تورک ائللریندن
قیلیج ، قمه چیخاجاق بئللریندن
دنیا تیتره یه جک هی هی لریندن
یئنــی دن آلاجــام قـــارابــاغیمـــی
جئيران نه سه ایستک لری داغدادی
بولبول نه سه چیچک لرده ، باغدادی
" جعفری " یه ایستک قاراباغدادی
یئنــی دن آلاجــام قـــارابــاغیمـــی
دویوش گونی آغ آتیمی چاپاجام
ارمنی دن اینتیقام لار آلاجام
قاراباغدا آرزولارا چاتاجام
یئنــی دن آلاجــام قـــارابــاغیمـــی
نعمت اله جعفری /مرند/یکان کهریز
نام:میربهرام (خانلار)