گئده ر(آشیق علی یکانلی)
گئده ر
بیر ایگید کی یوخسول اولسا
قوهوم – قارداش آتار گئده ر
بیر آشیق کی ائل سیز اولسا
آدی ، سانی باتار گئده ر
نانجیب دن هامی قاچار
دئمه سیررین بیر گون آچار
سئرچه هریان گلدی اوچار
دورنا باغلار قاطار گئده ر
ابلیس اولوب ائولر ییخما
ظالیم اولوب کونول سیخما
نامردین یولونا چیخما
بیر گون سنی ساتار گئده ر
" یکانلی علی" حقی تانی
بو دونیا فانی دیر فانی
گلنده اجل فرمانی
باغلار یوکون چاتار گئده ر
نام:میربهرام (خانلار)