ديلدن ديله دوشدي

استادبيوك نيك انديش ،استادشهريارين اوتوز بئش ايلليك يولداشي ساييلار.بيرگون بونلارين آراسي ده يير وبيربيرلرينده ن كوسولو قاليرلار.آخيردااستادبيوك نيك انديش دوام گتيرميروبير شعري كي شهريارا خطاب يازميشدور ،او بيوك شاعرين يانينا گئدير ويازديغي بئش بيت شعري كي عنواني "ديلدن ديله دوشدي"دور،استادشهريارا اوخويور .بيوك نيك انديشين دئديگينه گؤره آخير بيتي ده استاد شهريار في البداهه دئييروبونوعيلن ايكي استادين قلبيلرينده اولان محبت بيربيرينه قؤووشور.

ديلدن ديله دوشدي

بيرگون منيله يار آراسيندا گيله دوشدي

اولمازدي گيلايه آرادا ايش بئله دوشدي

تاب ائتمزيديم آيريليقا بيرجه دقيقه

گوندن گونه آيدان آيا ايلدن ايله دوشدي

آسان سانيييرديم من مسكين غم عشقي

ساقي منه وئر باده ايشيم موشكوله دوشدي

چوخ سعي ائله ديم دوشمه يه درديم ديله ليكن

آمما نه قيليم چاره كي ديلدن ديله دوشدي

گؤز ياشيم آخيب سئل كيمي سئللندي قاچيتدي

فرياده يئتين نازلي نيگاريم سئله دوشدي

تك قويما گولوم شهرياري گلگيله يوخلا

بيرده ن گؤره سن تاپدي اؤلوم فاصله دوشدي

معجزشبسترینین خیامه اوخشار شعرلریندن نئجه بند

قصدائیله یه قبل ازآنکی دوشمن جانه

فورصت وار ایکن ایچک بئش اون پیمانه

زیرا کی اجل گلنده مؤهلت وئرمز

بیر سو ایچه جک زامان قدر اینسانه

دونیایه گلیب گئدیبدی سیزدن چوخلار

مین لرجه جوان مزار ایچینده یوخلار

بیر گؤنده هزارهزار اینسان اؤلسه

دونیا نه قارا گئیر،نه ماتم ساخلار

ادامه نوشته

محمدفضولی دن بیرغزل

شفای وصل قدرین ، هجردن بیمار اولاندان سور

زلال ذوق شوقون ، تشنه دیدار اولاندان سور

لبین سرین گلیب گفتاره ، من دن اؤزگه دن سورما

بو پنهان نکته نی بیر واقف اسرار اولاندان سور

گؤزو یاشلی لارین حالین ، نه بیلسین مردم غافل ؟

کواکب سرینی ، شب تا سحر بیدار اولاندان سور

خبرسیز اولما فتّان گؤزلرین قیدین چکن لردن

خبرسیز مست لر بیدادینی ، هشیار اولاندان سور

غمین دن شمع تک یاندیم ، صبادان سورما احوالیم

بو احوالی شب هجران ، منیم له یار اولاندان سور

خراب جام عشقم ، نرگس مستین بیلیر حالیم

خرابات اهلینین احوالینی ، خمّار اولاندان سور

محبت  لذتین دن  بی خبر دیر زاهد  غافل

فضولی، عشق ذوقون، ذوق عشقی وار اولاندان سور

 

آقای مهدی همت زاده (ائلدار)دن بیر گؤزل شعر

اولماز

ائلیمین اوبامین شاعیر اوغلویام

محنته کده ره دؤزمه سم اولماز

دیلیمده یاییلان شیرین سوزلری

بال کیمی پتکدن سوزمه سم اولماز

--------------------------

دده قورقود اوغلو اوغوز ائللی یم

بیر سازام سوزلویم اینجه تئللی یم

آذربایجانلی یام تورکو دیللی یم

اوز آنا دیلیمده یازماسام اولماز

--------------------------

ادامه نوشته

اونودا بیلمیره م ... (نصرت کسمنلی)

من سنی اونودا بیلمیره م، آخی

اونوتسام نه لری اونودام گره ک؟

گؤی‌لره باخمیشیق آی لی گئجه‌ده

اونوتسام گؤی‌لری اونودام گره ک!

 

دنیزی اونودوم، یا دالغا‌لاری

خاطيره ن یادیم‌دان چیخایدی باری

پاییزدا خزانی، قیشداسا قاری

باهاردا گول‌لری اونودام گره ک!

ادامه نوشته

یازیغیم گلیر (بهمن وطن اوغلو)

دونیا کیمینه کئف ، کیمینه دهشت ، 

  بونلاری قانانا یازیغیم گلیر . 

  دویوب دوشوندوکجه عؤمرون سونونو ، 

  اینسانام ، اینسانا یازیغیم گلیر . 

 

  دؤوران تزله دی یئنه دردیمی ، 

  ساز ندیر ، بیلمه ین ترپه دیر سیمی ، 

  بیر عاغیلسیز ناشی قوواصلار کیمی ، 

  دوشنده اومانا یازیغیم گلیر .

 

ادامه نوشته

وفانین یار کوچه سی شعری

كــــــوچه" "

گئجه آی چیخمیشیدی

منیدیم بیرده او کئچمیش کوچه‌ لر

بیرده تمام خاطیره‌لر منله برابر

گینه غملر اورگیمده قالانیردی

گینه سنلن او کئچن خاطیره‌لر یاده

دوشوردو

او گؤزل خاطیره لرآیدینا گلدیکجه

گؤزومده

آلیشیب اوددا یانیردیم

دانیشیردیم آییلا ، اولدوزایله ، چایلا ،
 چمنله

آی او گونلر کی گزیردیک بو داریش

کوچه ده سنله

ادامه نوشته

قلم دیر قلم ،بارک الله قلم(معجز شبستری)

قلم

نویسنده ی سر گذشت جهان

قلم دیر قلم ،بارک الله قلم

سفیر کبیر انوشیروان

قلم دیر قلم ،بارک الله قلم

 

قلم حؤکمفرمادی هر عصرده

قلم اهلین ایلشدیرر قصرده

عزیز ائیله ین یوسفی مصرده

قلم دیر قلم ،بارک الله قلم

ادامه نوشته

سوری کیمدیر؟(عاصم اردبيلي)

سوری کیم دیر؟
کین قانلی الیندن بیر آتیلمیش یئره اندی،
بیر فلاکت آنانین جان شیره سیندن سودون امدی،
بوللو نیسگیل شله سین چیگنینه آلدی
تای توشوندان دالی قالدی،
ساری گول مثلی سارالدی
گونو تک باغری قارالدی خان چوبانسیز سئله تاپشیرسین اوزون،
یوردوموزا بیر سارا گلدی
بیر وفاسیز یار الیندن یارا گلمز سانا گلدی
بیر یازیق قیز، جان الیندن جانا گلمز جانا گلدی
کئچه جکده الموت دامنه سیندن بورایا درمانا گلدی
بیرآدامسیز سوری آدلی، الی باغلی، دیلی باغلی!
سوری کیم دیر؟

ادامه نوشته

خان ننه هایانداقالدین(استادشهریار)

خان ننه

خان ننه، هایاندا قالدین

بئله باشیوا دولانیم

نئجه من سنی ایتیردیم!

دا سنین تایین تاپیلماز

سن أولن گون، عمه گلدی

منی گتدی آیری کنده

من اوشاق، نه آنلیایدیم؟

ادامه نوشته

استاد عاصم اردبیلی دن بیر نمونه شعر

گوستر اوزون کی سیر گلستانه گلمیشم

بیر زائرم زیارت جانانه گلمیشم

لطف ائله، ویرما، قهر داشین داغلی سینه مه

درگاهینه امیدله درمانه گلمیشم

ایللر بویو تحمل ائدیب هجر دردینه

بئش گون قوناق بو خانه احسانه گلمیشم

شرمنده یم اگر چی برازنده تحفه دنچ

جان نقدی الده، ملک سلیمانه گلمیشم

سن سیزلیگه دوزونمه میشم، گرچه قطره یم

مین شوقیلن قوشولماغا عمانه گلمیشم

کافر آدیلا گر چی قاپوندان قاوولمیشام

رحم ائیله باری، ایندی کی ایمانه گلمیشم

سیندیرمیشام جسارتیلن عقل سددینی

دیوانسرای عدلووه دیوانه گلمیشم

تا مهریلن غرور باشین ویرمیشام داشا

مهر نگاردن سر و سامانه گلمیشم

من عشق مجمرینده اوره کدن آلیشمیشام

تسکین درده، چشمه ی عرفانه گلمیشم

نیزار تک سیزیلتی چوکوب سوزلو سینه مه

هجران نوالی، منده نیستانه گلمیشم

عشق اهلی دیر، حقارتیلن باخما عاصمه

عالم بیلیر بو عرصه یه مردانه گلمیشم

استاد عاصم اردبیلی

شعری از نویسنده و شاعر بزرگوارآقای اکبررضایی

سئوگیلی جانان

مندن دیله ای سئوگیلی جانان نه دیلرسن

ظن ائت نه کئچیر حالیما سنسیز، نه بیلرسن

گؤز یاشلاری دریا کیمی دولموش گؤزوم ایچره

یاندیرسادا گر، سن نه بیلرسن نه سیلرسن

ظولم ائیله مه یه تانری وئریبدیر سنه فرمان

اود توتموش اوره ک اوستونه، بیلمم سو چیلرسن؟؟؟!!

سن مورشودوم اول منده مریدین گئجه گوندوز

شمس اولسان اگر سن، منی فرزانه بیلرسن

(سه س سیز) باخیرام کؤنلوم آلوولارلا قالانمیش

یوخ سؤیله مه رم، سؤیله اگر جانی دیلرسن؟!!!

ادامه نوشته

آنا حقینده بیر شعر(محمدحسین علیزاده)

هامی ایستکلی دن آرتیخدی منه،جان آنادیر

منه جنت،منه ایمان، منه رضوان آنادیر

منه دلبر،منه رهبر،منه یاور،منه گول

منه سونبول ، منه سوسن ، منه ریحان آنادیر

منه گؤی دیر ، منه یئردیر ، منه آی دیر ، منه گون

قارا قلبیمده ایشقلی گونوم هرآن آنادیر

    

ادامه نوشته

آنا حقینده بیر شعر(دادبر)

گئجه اولدوز سایاراق،یاتمایان انسان آنادیر

غملره دالغین اولان،کؤنلو پریشان آنادیر

بئشیگین ریتمینه لایلایلا اؤره ک دردلرینی

خاطیره دفترینه ائیته ین عنوان آنادیر

اوخویار لایلاسنه،تا یوخو تاپسین گؤزلر

گؤر آییق،باشی نین اوستونده یانارجان آنادیر

ادامه نوشته

"ابوالفضل روزی طلب "دن بیر غزل

گؤزلرین عشقی عجب چکدی منی بنده گؤزل

وار زلیخاده اولان جاذبه لر سنده گؤزل

خال رویین گؤروبن قوندو اونا مرغ دلیم

او قونان یئرده اولایدیم ،نه اولار منده گؤزل

آچ اؤزون نوری یاییلسین وطنه،اؤلکه میزه

گون گوروب پرتو حسنون اولا شرمنده گؤزل

سورسان احوالیمی سنسیز نئجه دیر؟سؤیله یه رم:

پیس ده ییل عؤمرائدیریک بیز هله سایه نده گؤزل

گونوموز قاره سووشدی سنین عشقینده مدام

نه اولا قسمتیمیز؟بیلمیرم آینده گؤزل

"شاهینین"تحفه سی آنجاق سنه سؤزدور نه ائدیم

ارزشی یوخدو سؤزون گر چی بو میهنده گؤزل

ادامه نوشته

"حاذق"دن بیر گؤزل غزل

هایاندادیر؟

یارب منیم گول اؤزلو نیگاریم هایاندادیر؟

لاله یاناق،چیچکلی باهاریم هایاندادیر؟

اؤنسوز دوداقلاریمدا تبسم گول آچماییر

آغلار گئچیبدی لیل و نهاریم هایاندادیر؟

کؤنلوم شکسته نئی کیمی،دایم سیزیلداییر

عرشه اوجالدی ناله ی زاریم ،هایاندادیر؟

گؤزتیکمیشم یؤلا چکیرم انتظارینی

کؤنلوم داریخدی،چشم خوماریم هایاندادیر؟

آخیر بلای عشقه منی سالدی دلبریم

گول تک سؤلوب-سارالدی عذاریم،هایاندادیر؟

"حاذق"اؤنون غمینده مدام آغلاییر،دئییر:

الدن گئدیبدی صبروقراریم هایاندادیر؟

ادامه نوشته

آذربایجانین بؤیوک شاعری"صراف تبریزی"دن بیر شعر

منی چرخ فلک آواره سالدی خانمانیمدان

کنار ائتدی کنار خسرو شیرین زبانیمدان

الیم چیخدی گولومده ن گولشنیمدن گولستانیمدان

طریق عشقیده من چکمیشم ال باش و جانیمدان

اولان مجنون کیمی زنجیر عشقه بسته جانیم وای

وطن آواره سی غربت اسیری خسته جانیم وای

 

دئیین جانانه ای خورشید مه رخسارینه بنده

گویون جمعیتی چون ذره نوریندن پراکنده

فراقین طاقت و صبر و تحمل قویمویوب منده

علیلم دردمندم دردیمین درمانی وار سنده

اولان مجنون کیمی زنجیر عشقه بسته جانیم وای

وطن آواره سی غربت اسیری خسته جانیم وای

 

ادامه نوشته

آذربایجانین بؤیوک شاعری "سلیمان ثالث"دن بیر نمونه شعر

"آرزی"

پالاز اولام یوخسول ائوه سالینام

قصاص اولام ظالم لردن آلینام

بیر ساز اولام مجلس لرده چالینام

اوندا شیرین اولاربو حیات منه

 

باهار اولام قیش قهرینی چکه نه

قووت اولام خلقه روزی اکه نه

مسکن اولام سینیق کؤنول تیکه نه

اوندا شیرین اولاربو حیات منه   

 

ادامه نوشته

عاشیق آزافلی دان ایکی سئچیلمیش شعر

گؤزگو،سنه باخمایایدیم

قارا ساچیم ،آغا بنزر

ساققالیما قیروو دوشوب

باشیم قارلی داغا بنزر

 

داها جاندا دان سؤکولوب

کیرپیک گئدیب ،قاش توکولوب

هیجران اییب بئل بوکولوب

عؤمور قوپموش تاغا بنزر

 

آزافلی دیر منیم آدیم

زهر اولدو شیرین دادیم

ال آیاغیم شاه قانادیم

شاختا وورموش تاغا بنزر

"میکائیل آزافلی"

 

      

ادامه نوشته